vaticanid

14 okt

góða kvöldið gott fólk

það virðist vera að þrátt fyrir mínar bestu tilraunir til að skrifa blogg sem fjalla um mig eða allavega þetta eina þá eru menn ekki enn full ánægðir og vilja heyra frá mínum ósköp venjulegu dögum sem eru að öllum líkindum ansi svipaðir ykkar nema u.þ.b. 20°C heitari. Í dag þá byrjaði ég á að vekja edo og keyra hann svo í skólan kl 7:15 ég var svo komin heim í kringum hálf níu eða svo. Svo fór ég á internetið og komst að því að þrátt fyrir ítrekaðar tilraunir mínar til að fá fólk til að skrifa komment þá hefur það ekki gengið neitt! Ég er mjög vonsvikin og vona að héðan í frá takið þið ykkur á en annars ætla ég ekki að minnast á þetta oftar. Svo kl 11:30 fór ég að sækja í skólan. Ég fór fyrr en vanalega þar sem ég þurfti að fara í skólan minn og fá uppl. en ég byrja semsagt á ítölskunámskeiði 27 okt eftir 2 vikur og er þar þrisvar í viku á mán. of fim. (2 tíma) og svo marga tíma á miðvikudögum. Svo komum við heim borðuðum hádegismat og fórum svo út í fótbolta og ég vann... ótrúlegt en satt! Síðan skuttlaði ég edo á fótboltaæfingu kl hálf fim og hékk svo bara niðrá velli og las á meðan og svo komum við heim um hálf átta og núna er ég bara að bíða eftir kvöldmatinum. Eins og ég sagði þá eru mínir dagar ekki sérstaklega áhugaverðir.

Það sem ég vildi hins vegar segja ykkur frá er síðasti laugardagur. Ég var sem sé ný komin heim eftir að hafa skutlað í skólan og ákvað að fara aðeins í tölvuna þegar mamman kom mér algjörlega á óvart með að vera heima og hún sagði að hún myndi sækja edo þannig að ég gæti farið til rómar þegar ég var búin að þrífa smá og ganga frá þvottinum. Allveg himinlifandi glöð yfir þessu ákvað ég að þetta væri dagurinn til að fara í vatikanið þannig að ég þrammaði niður á stoppustöð og eyddi þessum einum og hálfa tíma rúmlega sem tekur að komast til rómar í að hlusta á sögubók á ipod-inum mínum allt saman í boði lindu (takk fyrir það). Ég fór svo í túr með túrgædinum sem ég hitti fyrir nokkrum vikum. Ég veit eigilega ekki hvernig er best að lísa vatikaninu nema að það er mjög stórt og ef þið komið til rómar verður hver og einn að gera upp við sig hvort hann vilji fara að skoða það. Ég veit að þetta er nottlega svona staður sem allir verða að sjá og ég ætla ekki að segja að það hafi ekki verið mikilfenglegt en.... hmmm ég veit ekki allveg, kannski er það bara mín skoðun en það er eitthvað við svo margar sögur að kirkjunni sem láta mig eigilega ekki vilja vera kristin manneskja. Sistínska kapellan. Ég verð að segja að ég var ekkert yfir mig upprifin, ég meina þetta er að sjálfsögðu allveg ótrúlega merkilegt fyrirbrygði en ég er samt að komast að því að yfirleitt hef ég meiri áhuga á arkitekt og byggingunum yfir höfuð heldur en þeim skreytingum sem í þeim eru og það verður að segjast að kapellan er mjög ómerkileg að horfa á í þeim skilningi. Myndirnar eru allveg fallegar en það er mikið að fallegum myndum og skreytingum útum allt og í kirkjum alstaðar og fyrir minn smekk þá var sistinska kapellan ekkert frábær og mikið betri en allt annað. Ok ég er kannski að mála frekar dökka mynd hérna en... péturskirkja er eins og hver önnur kirkja í mínum augum nema óneitanlega stærri enda stærsta kirkja í heimi og hún er stór.
Kannski er ég bara svona neikvæð afþví að það var verið að laga á mörgum stöðum og mikið sem var lokað og hópurinn var aðeins of stór. Hvað sem það var þá er ég hætt í bili en vonandi mun ég vakna einn dagin og vilja segja ykkur betur frá þessari ferð.